SBI പ്ലാറ്റിനം ജൂബിലി ആശാ സ്കോളർഷിപ്പ് 2026: 9-ാം ക്ലാസ് മുതൽ വിദേശ പഠനം വരെ ₹15,000 മുതൽ ₹20 ലക്ഷം വരെ സാമ്പത്തിക സഹായം

സാമ്പത്തികമായി പിന്നോക്കം നിൽക്കുന്ന മിടുക്കരായ വിദ്യാർത്ഥികൾക്ക് അവരുടെ പഠനം തുടരാൻ സഹായിക്കുന്നതിനായി സ്റ്റേറ്റ് ബാങ്ക് ഓഫ് ഇന്ത്യയുടെ (SBI) CSR വിഭാഗമായ SBI Foundation നടപ്പിലാക്കുന്ന SBI Platinum Jubilee Asha Scholarship Program 2026-ലേക്ക് ഓൺലൈൻ അപേക്ഷകൾ ക്ഷണിച്ചു.

9-ാം ക്ലാസ് മുതൽ വിദേശത്തെ പ്രമുഖ സർവകലാശാലകളിൽ ഉന്നത വിദ്യാഭ്യാസം നടത്തുന്ന വിദ്യാർത്ഥികൾ വരെ ഈ സ്കോളർഷിപ്പിന് അപേക്ഷിക്കാം. പഠിക്കുന്ന കോഴ്‌സിന്റെ അടിസ്ഥാനത്തിൽ ഒരു അധ്യയന വർഷത്തേക്ക് ₹15,000 മുതൽ ₹20 ലക്ഷം വരെ സാമ്പത്തിക സഹായം ലഭിക്കും.

ആർക്കെല്ലാം അപേക്ഷിക്കാം?

9 മുതൽ 12 വരെ ക്ലാസുകളിൽ പഠിക്കുന്ന വിദ്യാർത്ഥികൾ
NIRF Top 300 അല്ലെങ്കിൽ NAAC 'A' ഗ്രേഡ് നേടിയ സ്ഥാപനങ്ങളിലെ ബിരുദ (UG), ബിരുദാനന്തര ബിരുദ (PG) വിദ്യാർത്ഥികൾ
IIT, IIM വിദ്യാർത്ഥികൾ
MBBS ഉൾപ്പെടെയുള്ള മെഡിക്കൽ കോഴ്‌സുകൾ പഠിക്കുന്നവർ
QS Top 200 റാങ്കിലുള്ള വിദേശ സർവകലാശാലകളിൽ PG അല്ലെങ്കിൽ ഉന്നത പഠനം നടത്തുന്നവർ
ആഗോളതലത്തിലെ മികച്ച സർവകലാശാലകളിൽ ഉന്നത പഠനം ലക്ഷ്യമിടുന്ന SC/ST വിഭാഗത്തിലെ വിദ്യാർത്ഥികൾ

സ്കോളർഷിപ്പ് തുക

പഠിക്കുന്ന കോഴ്‌സിന്റെ അടിസ്ഥാനത്തിൽ ₹15,000 മുതൽ ₹20,00,000 വരെ ഒരു അധ്യയന വർഷത്തേക്ക് സാമ്പത്തിക സഹായം ലഭിക്കും.

യോഗ്യത

വിദ്യാഭ്യാസ യോഗ്യത

9 മുതൽ 12 വരെ ക്ലാസുകൾ
UG, PG
MBBS
IIT, IIM
തിരഞ്ഞെടുത്ത വിദേശ സർവകലാശാലകളിൽ പഠിക്കുന്നവർ

മാർക്ക്

കഴിഞ്ഞ അധ്യയന വർഷത്തിൽ കുറഞ്ഞത് 75% മാർക്ക് അല്ലെങ്കിൽ 7.0/7.5 CGPA ഉണ്ടായിരിക്കണം.
SC/ST വിദ്യാർത്ഥികൾക്ക് 10% ഇളവ് ലഭിക്കും. അതായത് 67.5% മാർക്ക് അല്ലെങ്കിൽ 6.3/6.5 CGPA മതിയാകും(മൊത്തം പഠനകാലത്തെ ഗ്രേഡ് പോയിന്റുകളുടെ ശരാശരി ).

കുടുംബ വാർഷിക വരുമാനം

9–12 ക്ലാസ് വിദ്യാർത്ഥികൾ: ₹3 ലക്ഷം വരെ
UG, PG, മെഡിക്കൽ, IIT, IIM വിദ്യാർത്ഥികൾ: ₹6 ലക്ഷം വരെ

മറ്റ് നിബന്ധനകൾ

അപേക്ഷകൻ ഇന്ത്യൻ പൗരനായിരിക്കണം.
ഉന്നത വിദ്യാഭ്യാസ വിഭാഗങ്ങൾക്ക് NIRF/NAAC റാങ്കിങ് സംബന്ധിച്ച നിബന്ധനകൾ ബാധകമാണ്.

പ്രത്യേക ആനുകൂല്യങ്ങൾ

മൊത്തം സ്കോളർഷിപ്പുകളുടെ 50% പെൺകുട്ടികൾക്കായി സംവരണം ചെയ്തിരിക്കുന്നു.
SC/ST വിഭാഗക്കാർക്ക് പ്രത്യേക പരിഗണനയും സംവരണവും ലഭിക്കും.

ആവശ്യമായ രേഖകൾ

കഴിഞ്ഞ വർഷത്തെ മാർക്ക് ലിസ്റ്റ്
ആധാർ കാർഡ് അല്ലെങ്കിൽ മറ്റ് തിരിച്ചറിയൽ രേഖ
പാസ്പോർട്ട് സൈസ് ഫോട്ടോ
വരുമാന സർട്ടിഫിക്കറ്റ്
ജാതി സർട്ടിഫിക്കറ്റ് (ബാധകമെങ്കിൽ)
അഡ്മിഷൻ പ്രൂഫ് അല്ലെങ്കിൽ നിലവിലെ ഫീസ് രസീത്
SBI ബാങ്ക് അക്കൗണ്ട് പാസ്ബുക്ക് (അപേക്ഷിക്കാൻ നിർബന്ധമാണ്)

അപേക്ഷിക്കേണ്ട അവസാന തീയതി

2026 സെപ്റ്റംബർ 4

അവസാന തീയതിക്ക് മുമ്പായി ഓൺലൈനായി അപേക്ഷ സമർപ്പിക്കുക.

കൂടുതൽ വിവരങ്ങൾക്കും അപേക്ഷ സമർപ്പിക്കാനും ഈ വെബ്സൈറ്റ് സന്ദർശിക്കുക: https://www.sbiashascholarship.co.in/